राष्ट्रिय सहकारी महासंघले भारतीय राष्ट्रिय सहकारी संघअन्तर्गत सहकारी शिक्षाका लागि राष्ट्रिय केन्द्र (एनसीसीइ)द्वारा संचालन हुने डिप्लोमा इन कोअपरेटिभ एजुकेसन एन्ड डेभलप्मेन्टमा सहभागी हुने सहकारकिर्मीहरुको विदाई गरेको छ । महासंघका अध्यक्ष केशव बडालले सहभागीहरुलाई विदाई गर्नुभएको थियो । उहाँले सहकारी क्षेत्रमा लाग्नेहरुका लागि यो कोर्ष निकै महत्वपूर्ण रहेको बताउनुभयो । राष्ट्रिय सहकारी महासंघले भारतीय राष्ट्रिय सहकारी संघसँग समन्वय गरेर प्रत्येक बर्ष नेपालबाट सो कोर्षमा नेपाली सहकारीकर्मीहरुको सहभागीता गराउँदै आएको छ । यस पटक चार जनाले सो कोर्ष गर्दै हुनुहुन्छ । सरेन्द्र मन्डल, राम नारायण साह, सुबास चन्द्र गच्छेदार र सन्तोष कुमार सरद थारु बुधबार नयाँ दिल्ली प्रस्थान गर्नुहुने छ । विदाई कार्यक्रममा महासंघका वरिष्ठ उपाध्यक्ष मिनराज कँडेल, नायव महाप्रबन्धक बाबुल खनाल र वरिष्ठ प्रबन्धक गोपीकृष्ण भण्डारीको उपस्थिति थियो ।